Di 31’emîn salvegera qetilkirina Parlamenterê DEP’ê Mehmet Sîncar de Nîzamettîn Togûç behsa şahidiyên xwe kirin, hevjîna Sîncar, Cîhan Sincar jî wiha got: “Me di 31 salan de bi ser navê edaletê tiştek nedît.”
Li Stenbolê 12 ciwanên kurd di mitînga 1’ê Îlonê de bi hinceta govend gerandin e û pankartê “Muxatab Îmrali ye, çareserî Tirkiyeya demokratîk û Kurdistana xweser e” vekirine, hatin girtin. Hat zanîn ku rojekê av û xwarinê nedane ciwanan.
Tevî ku di lêpirsîna Narîn Guran a li Amedê ji wê agahî nayên wergirtin 15 roj derbasbûne jî tu pêşketin çênebûye.
Halîme Elî ya ku li Reqayê DAIŞ'ê 2 kurên wê dîl girtiye, 10 sal in tu agahiyê ji zarokên xw enagire. Halîme Elî da zanîn ku 5 sal in tu agahiyê ji hevjînê xwe yê ku ji bo xeberekê ji zarokên wê bigire ji malê dekret jî nagire û got ku daxwaza wê tenê xeberekê ji zarokên xwe bigire.
Rojnamevan Zehra Şengalî diyar kir ku dîroka "peymana ewlehiyê" ya di navbera Tirkiyeyê û Iraqê de hatiye îmzekirin ne tesadufî ye û got: "Êrişên li dijî kurdan bi piştevaniya hevkarên herêmî û navneteweyî pêk tên û dijwar dibin. Polîtîkaya van êrişan bi berxwedanê dikare bê şikandin."
Berdana girtiyê nexweş Îdrîs Başaran ê 30 sal in girtiye û ferzkirina “poşmantiyê” qebûl nekir 6 mehan hate taloqkirin. Kekê Başaran, Lokman Başaran anî ziman ku ev nêzîkatiyên derhiqûqî dikarin bi bertek nîşandana civakê bên bidawîkirin.
Endamên mekteba siyasî yê PADÊ bertek nîşanî biryara girtina PADÊ dan û gotin: "Di navbera fermana ku di sala 2014'an de hatiye serê me û biryara girtina PADÊ de ti ferq û cudahî nîne. Navê PADÊ nebe jî bi naveke din em ê civaka xwe biparêzin."
CPT’yê ragihand ku di bombebarana Tirkiyeyê de ku piştî nîvro li dijî gundê Mêrge Hewş yê li herêma Sîdekanê pêk anî, jinek hatiye qetilkirin.
Li bajarê Ezaz ê Bakur û Rojhilatê Sûriyeyê ku di bin kontrola Tirkiye û hêzên paramîlîter ku piştgiriyê didê, endamekê koma paramîlîter îşkence li zaroka xwe kir.
Serokê YNK’ê Bafil Celal Talebanî da zanîn ku Mesrûr Barzanî bêyî wan ne dikare bibe serokwezîr ne jî dikare bibe rêveberek giştî jî.
Nûçegihanê me Firat Can Arslan giliyê kesên piştî nûçeya “Şaredariya Qersê veguherandine şîrketa Ulku Ocaklariyê!” kir.
Çalajiya Nobeta Edaletê ya Emîne Şenyaşar a li Meclisê di roja 13’an de berdewam kir.
OHD, ÎHD, ÇHD û Koma Hiqûqnasên Ji bo Edaletê li ber Edliyeya Îzmîrê bi pankarta “Li vir edalet tune ye” dest bi sala edlî kirin.
Komîsyona Hiqûqê û Mafê Mirovan a DEM Partiyê daxuyand ku Abdulkadîr Kuday ketiye binê 40 kîloyî û ev bang kir: “Divê tavilê bê berdan.”