Cenazeyê rewşenbîrê kurd Dr. Tarik Ziya Ekîncî li Amedê hat veşartin. Hevserokê Giştî yê DEM Partiyê Tuncer Bakirhan di merasîma cenaze de axivî û got: “Kekê Tarik mezinek bû û emrê xwe da têkoşîna mafên kurdan. Ew rismek û kurteyek meseleya kurd e.”
Berdevka DEM Partiyê Ayşegul Dogan bal kişand ser êrişên AKP’iyan ên di Meclisê de û wiha got: “Armanca AKP’ê û MHP’ê ew e ku ev reş di Meclisê de domdor be. Lê belê ev wiha nayê meşandin, nabe rewşa asayî ya Meclisê.”
Gulşen Adet a ku berdana wê du caran hat astengkirin, bal kişand ser pêkanînên tecrîdê yên li girtîgehan û got: "Ger tişt bê kirin divê niha bê kirin, yan na wê pirr bi derengî bikeve."
Welatiyên ku bertek nîşanî Hevşaredarê Avkevirê Mehmet Alî Bûdak ê ji DEM Partiyê îstifa kir dan, anîn ziman ku wan raya xwe daye DEM Partiyê û xwestin Bûdak demildest îstifa bike.
Di nobeda li dijî tayinkirina qeyûm de ya li Şaredariya Colemêrgê ku li Qada Şîşhaneyê 64 roj in tê lidarxistin, kesên di Erdheja Marmarayê de jiyana xwe ji dest dan hatin bibîranîn.
Li Cizîrê sazî û dezgehên ziman û çanda kurdî yên li bakurê Kurdistan û bajarên Tirkiyeyê deklerasyona ji bo xebatên zimanê kurdî eşkere kirin. Di deklerasyonê de hat destnîşankirin ku têkoşîn û parastina zimanê kurdî wê were berfirehkirin û bang li partî, şaredarî û saziyên sivîl hat kirin ku ji bo zimanê kurdî dest bi seferberiyê bikin.
Xizmên girtiyên nexweş û Şaxa ÎHD’ê ya Stenbolê di çalakiya "Rûniştina F” de bal kişandin ser girtiyên nexweş. Endamê ÎHD’ê Taylan Bekîn bang li rayedaran kir û xwest girtiya nexweş Şivekar Ataş serbest berdin.
Li Wanê dê di 1’ê Îlonê Roja Aştiyê ya Cîhanê de bi dirûşma “Em li dijî şer û dagirkeriyê aştiyê, li dijî tecrîdê azadiyê biqîrin” bê lidarxistin. Banga beşdariya mitîngê hat kirin.
Di erdheja Marmarayê de bi deh hezaran mirovan jiyana xwe ji dest da. Di ser erdheja Marmarayê re 25 sal borîn. Lê hêj tedbîrên li dijî erdhejê negirtine. ÎHD, daxuyanî da û diyar kir ku mafê her mirovan heye ku di erdhejan de li bajarên zexm bijîn.
Cenazeyê rewşenbîrê kurd Dr. Tarik Ziya Ekîncî piştî nimêja wî hat kirin, şandin Amedê.
Înîsiyatîfa ji Girtiyên Nexweş re Azadî bal kişand ser girtina Suleyman Sabrî Mavî yê 75 salî ku ku ji sedî 96 astengdar e û hat xwestin bi lezgînî were berdan.
Dayikên Şemiyê di hefteya 1012’emîn de li Qada Galatasarayê, li aqûbeta Abdurrahîm Demîr pirsîn û gotin: "Dawî li bêcezabûna 29 sal in dewam dike bînin."
Xizmên Windayan û şaxên ÎHD’ê li aqûbeta windayan pirsîn. Li aqûbeta Îbrahîm Kartay, Îbrahîm Çelîk û lawê wî Edîp Çelîk hat pirsîn.
Şaredariya Êlihê ya DEM Partiyê, di nava 5 mehan de çalakiyên kurdî, aşxaneyên bajêr, "nexweşxaneya gerok", belavkirina xwarinê û gelek tiştên din pêk aniye.