Ensîtûya Xebatên Civakî lêkolîna qadê ya “Meylên Civakî” parve kir. Li gorî lêkolînê, Diyanet û partiyên siyasî “du saziyên herî jênebawer ên Tirkiyeyê” hatin diyarkirin.
Malbat û wasiyê Reberê PKK’ê Abdullah Ocalan, ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Ji ber parvekirina “Bijî berxwedana Kobanê” ku wêneyê YPG’iyan li ser bû, 3 dozên cuda li rojnamegerê girtî Mûrat Verîm hatin vekirin û 3 meh cezayê hefsê lê hate birîn. 2’yemîn Dadgeha Cezayên Giran a Yozgatê diyar kir ku dema ceza dayin Verîm, cezayên dadagehên din hatine hesabkirin.
Dîroknas-nivîskar Erdogan Aydin rageşiya li Rojhilata Navîn nirxand û got: “Tenê kurd têkildarî pêşeroja herêmê pêşniyara çareseriyê dikin. Çareseriya pirsgirêka li Rojhilata Navîn, konfederalîzm e.”
Lijneya Çavdêrî û Îdareyê ya Girtîgeha Tîpa T a Aksarayê tevî biryara dadgeha înfazê jî berdana Tamer Tankikûlû yê 30 sal in girtî ye 6 mehan dirêj kir.
Li Herêma Kurdistanê dengdana taybet ya ji bo hilbijartinên parlamentoyê dest pê kir.
Parêzerên OHD'ê li girtîgehên Balikesîr û Îzmîrê bi girtiyan re hevdîtin kirin û diyar kirin ku mafên wan ên tenduristî û jiyanê tên binpêkirin û xwestin pirsgirêk bên çareserkirin.
Dokûmentera “Destên Tarî” ku tora sîxuriyê ya li rojavayê Kurdistanê êriş û sûîqestan plan dikir eşkere dike. Pêşkêşvanê dokûmenterê Alan Meîş diyar kir ku kesên ku ketine nava xefk ango tora sîxuran ji aliyê Parastin-ENKS û MÎT’ê ve bi hevkarî tên birêvebirin û parastin.
Hatibû îdiakirin ku li Girtîgeha Tîpa E ya Mêrdînê Mizgîn Acarê hewl daye ku “întîhar bike” û Îbrahîm Bogûrcû bi derbaskirina krîza dil jiyana xwe ji dest daye. Parêzer Azad Kaya anî ziman ku divê binpêkirinên di van bûyeran de qewimîne bên aşkerekirin.
Endama Komîsyona Girtîgehan a ÎHD’ê parêzer Zeynep Ceren Boztoprak bal kişand ser cezayên ji ber pereşandina ji girtîgehê re tên dayin û wiha got: “Em jî li dijî vê kampanyayê didin destpêkirin. Di vê çarçoveyê de dê ji gelek girtiyan re pereyan bişînin.”
Midûriyeta Giştî ya Meteorolojiyê herêmên bilind ên Serhed û Behre Reş ji bo barîna berfê hişyar kir.
Otobûsa geştê ya ji Balikesîrê ber bi Nevşehîrê ve diçû, li Aksarayê wergeriya. Hejmara kesên di qezayê de jiyana xwe ji dest dayin derket 6’an û herî kêm 25 kes jî birîndar bûn.
Barîna baranê ya li Pasûrê bi bandor bû di rêyan de bû sedemê hezazan. Wesayîteke ku di nav çem de asê mabû jî ji aliyê tîmên şaredariyê ve hate derxistin.
Hevserokên Giştî yên DEM Partiyê Tuncer Bakirhan û Tulay Hatimogûllari serdana Hevserokê Giştî yê HDP’ê yê berê Selahattîn Demîrtaş kirin.