Meclisa Jinan a DEM Partiyê bertek nîşanî hedefgirtina rojnamevan Rabîa Onver da û got: “Hûn nikarin jiyana jinên ciwan tarî bikin. Ne Rabîa Onver, divê ev çeteyên li Colemêrgê hatin eşkerekirin bên darizandin."
Ji bo kurê Apê Mûsa, Anter Anter li gundê Sitîlîlê yê Nisêbînê şîn hat dayîn.
Xizmên Windayan û rêveberên ÎHD’ê li Amedê aqûbeta malbata Işik û Serîn ên li Dêrsimê hatin windakirin, li Êlihê jî aqûbeta Mehmet Zekî Akyildiz ê ji aliyê Hîzbûllahê ve hat revandin û agahî jê nehat girtin, pirsîn.
Dayikên Şemiyê aqûbeta Huseyîn Morsumbul ê beriya 44 salan di bin çavan de hatiye windakirin pirsîn. Birayê Morsumbul, Şahîn Morsumbul jî daxwaza edaletê kir.
Li navçeya Dêrikê wesayîtek ket qenala avê ya GAP’ê û 3 kesa jiyana xwe ji dest dan.
Şaban Kaygusuz ne milê wî yê rastê ne jî ranê wî yê rastê heye. ATK ku berê der barê Kaygusuz de gotibû “nikare bi tena serê xwe li girtîgehê bimîne”, cara duyemîn gotiye “jiyana wî ne di talûkeyê de ye” û berdana wî asteng kir.
Sadik Tan ê girtî bi rêya telefonê bi malbata xwe re axivî û diyar kir ku ewlehiya canê wan nemaye û got: “Heke tiştek were serê min, berpirsiyar girtîgeh e.”
Hevseroka Giştî ya ÎHD'ê Eren Keskîn diyar kir ku ew dixwazin bi Hewldana Li Dijî Tecrîdê Edalet re dawî li bêhiqûqiya li Îmraliyê bînin û ew ê di vî warî de bi gelek derdoran re têkiliyê deynin û got: "Armanca me ew e ku tecrîda li Îmraliyê bibe rojev û meseleya kurd bi rêyên demokratîknç gengeşekirin."
Parêzer Rêzan Sarica, diyar kir ku helwesta Komîteya Wezîran a KE’yê ya di çarçoveya biryara DMME’yê de hişyarî da Tirkiyeyê ku dê di îlona 2025’an biryareke navber were amadekirin, nîşaneya derbasbûna qonaxeke nû ye û wiha got: “Erênî ye lê li dijî rastiya Îmraliyê têrker nîne.”
Berdana girtî Çetîn Arkaş ku di Sekreteryaya Îmraliyê de cih digirt, roja wê bihata berdan ji aliyê Lijneya Îdare û Çavdêriyê ve 6 mehan hat taloqkirin.
Rojnamevan-nivîskar Seyît Evran bi pênûs û kameraya xwe 30 salan têkoşîn û dengê gelê kurd ji cîhanê re ragihand. Salek bi wefata Evran re derbas bû. Rojnamevan Mehmet Emîn Mûtlû got: “Naskirina bi heval Seyît re naskirina heqîqetê bû.”
Kovara Jineolojiyê li Wanê komxebata ji bo du rojan li dar dixe. Endama Desteya Weşanê ya Kovara Jineolojiyê Derya Aydin di destpêka komxebatê de axivî û got: "Jineolojî kodên 5 hezar salan ê baviksalarî lêkolîn dike û di heman demê de li dijî vê yekê zanisteke azadiya jinan derdixe holê."
Der barê Hevşaredarê Colemêrgê Mehmet Siddik Akiş de ku piştî hilbijartinê ji wezîfeyê hat girtin îdianameyeke din jî hat amadekirin.
Tevî pêkanînên rewşa awarte (OHAL) yên fiîlî yên li Geverê jî xizmên windayan her hefte li qadê tên cem hev. Xizmên windayan diyar kirin ku heta kiryar neyên eşkerekirin û edaleta rast pêk neyê ew ê dest ji têkoşînê bernedin.
Dîcle Anter ê kekê wî Anter di salvegera qetilkirina bavê wan Mûsa Anter de jiyana xwe ji dest da, wiha got: “Keda kekê min gelek hebû ku li vir (Sitîlîlê) deriyê bavê min vekirî bihêle.”