Hevserokê ÎHD’a Enqereyê Omer Farûk Yazmaci di daxuyaniya ji bo meha 153’yemîn a Komkujiya Roboskî de axivî û got: “Civak bi şer nayê rêvebirin. Heta ku edalet neyê Roboskî dê edalet neyê Tirkiyeyê jî.”
Hizbulahê piştrast kir ku lîderê wê Hesen Nasrallah hatiye kuştin.
Xizmên Windayan û ÎHD’ê li aqûbeta Îbrahîm Gundem û Şêxmûs Eroglû pirsîn û xwestin faîlên Hatîce Atalay û Abdulmecît Baskin bên girtin û cezakirin.
Li dijî Şaxa YNK’ê ya Dihokê êrişeke çekdarî hate lidarxistin.
Parlamentera DEM Partiyê Salîha Aydenîz a li Girtîgeha Tîpa S a Bodrûmê bi girtiyan re hevdîtin kir, bal kişand ser rewşa girtiyên nexweş û destnîşan kir ku raporên tenduristiyê yên bêalî bidin girtiyan.
Dayikên Şemiyê di hefteya 1018'an de bal kişandin ser qetilkirina Abdûlmecît Baskin û gotin: "Divê dozên windayan bi demboriyê re rû bi rû nemînin. Divê meqamên edlî bêyî ku bandorên siyasî li ber çavan bigirin, erka xwe ya ji bo pêkanîna edaletê ya di dosyeya Abdulmecît Baskin de pêk bînin."
Li dijî avahiya Rêxistina DEM Partiyê ya Sûltangaziyê êrişeke çekdarî pêk hat.
Hevberdevkê HDK'ê Cengîz Çîçek anî ziman ku divê Tifaqa Ked û Azadiyê bêyî ku bikeve nava kêmasiyên berê bê mezinkirin û got ku tifaqeke ku ji hilbijartinê wêdetir, divê li şûna dijberiya du hêzên serdest bibe "hêza çareseriyê".
Li Edeneyê ji ber pevçûna ku di dema “Meşa rezgirtina ji îradeyê re” pêk hat û polîsan gelek kes derbkirin de derbarê rêveberê DEM Partiyê Mehmet Kiran doz hate vekirin.
Xebatkarên MED-DER’ê yên hatin berdan Ahmet Boltan û Fatma Îgîn destnîşan kirin ku tevî zext û zilmê jî ew ê xebatên xwe yên ziman bi biryarî bidomînin.
Derûnnas Salîh Tekînalp anî ziman ku her roj cînayeteke Narîn Guranê pêk tê û got: “Yê ku Narîn kuştî ye ne keseke, feraseteke. Divê em pêşiyê li rizîbûna exlaqî bigirin.”
Dr. Kamûran Berwarî diyar kir ku peymana dawî di navbera Tirkiyeyê û Iraqê de û hevdîtinên dawî li ser tunekirina destekftiyên kurdan e û got: “Heke ev plan bidomin wê şer hin belavtir bibe. Lê kurd ne bi tenê ne û qet jî bêparastin nîn in.
Ji wênesazên ku wêneyên kesên ku pêşengiya çand, ziman û hunera kurdî kirine li kolanên Êlihê dineqşîne Rûken Ekîncî diyar kir ku armanca wan ew e ku van nirxan bigihînin gel.
ATK’ê derbarê girtiya nexweş Hatîce Yildiz a 75 salî ku ji bo pere ji keça xwe û hevala wê re şandibûn cezayê hefsê lê hatibû birîn de rapora ‘dikare li girtîgehê bimîne’ da.
Hevberdevkê HDK’ê yê Stenbolê Alî Bal diyar kir ku amadekariyên mitînga “azadiyê” ku dê di 13’ê cotmehê de li Amedê bê kirin didomin û destnîşan kir ku ji bo çareseriya krîzên li welat divê deriyên Îmraliyê bên vekirin.