Hevserokê Giştî yê HDP’ê Mîthat Sancar got: “Wezîrê Karên Navxweyî Suleyman Soylû dibêje cînayetên kiryar nediyar di serdema min de pêk nehatine. Cînayetên di serdema wî de ne kiryar nediyar in. Kiryar diyar in lê nayên darizandin.”
Parlamenterê HDP’ê Necdet Îpekyuz, cezayê qedexeya hevdîtinê ku ji ber silava kurdî dabû kurê xwe yê girtî li Fatime Demîr hatibû birîn, ji Wezîrê Edaletê Abdulhamît Gul pirsî.
DBP’ê bertek nîşan da ku navê siyasetmedarên kurd Kamûran Yuksek û Nadîr Yildirim li lîsteya “kesên ji terorê lêgerîna wan heye” û li kategoriya sor bar kirine û got wê ev hewldanên krîmînîzalîze nikaribin têkoşîna wan asteng bike.
Hevserokê KCD’ê Berdan Ozturk, diyar kir ku tecrîd di Pirsgirêka Kurd de wergeriyaye qodên şer ên berê û ev tişt got: “Divê ji bo lîderê ku dikare rûyê Rojhilata Navîn û Tirkiyeyê biguherîne şertên azad bên çêkirin. Divê Ocalan rol û misyona xwe bilîze.”
Yek ji avakarên AKP'ê Abdullatîf Şener anî ziman ku di dewleta mafyayî ya tîpa nû de zelalî û hesabdayîn tune ye û got: "Ev rêveçûyîn ne rêveçûyîneke baş e û dê canê wan pir tahl bike."
Cîgirê Hevserokên Giştî yê HDP'ê Tuncer Bakirhan, bal şikand ser daxuyaniyên Serokê Mafya Sedat Peker û destnîşan kir ku ji ber pirsgirêka Kurd çareser nabe, mafya pêş dikeve û wiha god: "Divê helwest û seknek ku ji pêşkêşkirina çavkaniyên welat a ji bo çeteyan û mafya re bêje na, bê avakirin.
Serokê Giştî yê KKP'ê Sînan Çîftyurek, destnîşan kir ku polîtîkayên Tirkiyeyên yên derbarê Bakur û Rojhilatê Sûriyeyê û Herêma Kurdistana Federê de, bi heman stratejiyan tên meşandin û got: "Tekane armanca Tirkiyeyê, jiholêrakirina statûya kurdan e."
Hevserokê Giştî yê HDP’ê Mîthat Sancar li Wanê axivî û destnîşan kir ku kesên li ser sînorê Colemêrgê tên kuştin di encama dijminatiya kurdan de pêk tên û got: “Niha tişta ku şirîkatiya îqtidarê li ba hev digire, dijminatiya kurdan e.”
Hevberdevka HDP'ê Ebru Gunay anî ziman ku têkiliya dewlet û mafya mekanika darbeyê bi xwe ye û wiha got: "Ocalan berê gotibû eger çareseriya demokratîk peş bikeve dê rê li pêş mekanîka darbeyê û kaosê bê girtin. Em îro bi vê pergal û mekanîkê re rû bi rû ne."
Hevserokê Giştî yê DAD'ê Mûsa Kûlû, bal kişand ser operasyonên derî sînor û diyar kir ku bi şer tê xwestin ser têkiliyên qirêjî û pirsgirêkên heyî bê nixumandin û got: "Di vê pêvajoyê de sûcê me yê herî mezin, bêdengî ye."
Serokê Giştî yê Partiya Pêşerojê Ahmet Davûtoglû bersiva Wezîrê Karên Navxweyî Suleyman Soylû da û got: “Di pêvajoya îstîfaya min a serokwezîriyê de Bînalî Yildirim, Suleyman Soyl û Berat Albayrak bi koordinasyona Serokkomar komplo li min kirin.”
Derbarê Hevseroka Giştî ya DBP’ê Salîha Aydenîz û du parlamenterên HDP’ê de 3 felzeke şandin Meclîsê.
Hevseroka Giştî ya HDP’ê Pervîn Bûldan destnîşan kir ku têkiliya dewlet-mafya-siyasetê ku di Qezaya Sûsûrlûkê de derket holê îro jî di nava îqtidara AKP-MHP’ê de ye û got: “Zemîna herî girîng a ku van rêxistinên çeteyan ji Sûsûrlûkê dirêjî îro xwe dispêre dijminatiya kurdan.”
Partî û rêxistinên siyasî, diyar kirin ku piştî îttîrafên Sedat Peker careke din şahidiya hevpariya dewlet-mafya-siyasetê dikin û ev bang kirin: “Em bang li herkesî dikin ku ji bo ji vê tifaqa qirêj xelas bibin sefer bibin.”
Parlementerê HDP’ê Mûsa Pîroglû, diyar kir ku axaftinên rêveberê çete ku ji dewletê piştgiriyê digire Sedat Peker ji bo deşîfreya çerxa aboriya narko ya weke Sûsûrlûkê girîngin û wiha got: “Axaftinên Peker ji aliyê fînansekirina şerê qirêj ve tê bi rêvebirin gelek girîng in. Peker, ji fîguranan tenê yek e. AKP weke dewleteke mafyayê dixebite.”