Hevserokê Giştî yê HDP'ê Mîthat Sancar, di koma partiya xwe de axivî û bal kişand ser polîtîkayên şer û girîngiya siyaseta demokartîk û aştiyê. Sancar, anî ziman ku di şer de xizan winda dikin û wiha got: "Xizan di şer de hem zarokên xwe û hem jî nanê xwe winda dikin. Em ê di siyaseta demokartîk û têkoşîna aştiyê de israr bikin. Werin em bi hevre tevgerek mezin a aştiyê ava bikin.
Serokomarê Tirkiyeyê Recep Tayyip Erdogan diyar kir ku dê tevgera Idlibê bidome û got: "Eger ji sînorê ku Tirkiye diyar kiriye demek berî demekê hêza xwe venekişînin dê serê wan li ser milê wan nebîne."
Parlamenterê HDP'ê yê Wanê Tayip Temel, rewşa penaberên li ser sînor û rojnamegerên ku nûçeyên penaberan li Edîrneyê dişopandin hatin binçavkirin, bir meclîsa Tirkiyeyê. Temel pirsname da meclîsê û xwest Cîgirê Serokomar Fuat Oktay bibersivîne.
Serokwekîlê Koma HDP’ê Sarûhan Olûç, diyar kir ku ew rûniştina sergirtî ya têkildarî Idlibê ya di Meclîsê de bê lidarxistin şaş dibînin û got: “Bi rûniştina girtî, dixwazin ku mijara Idlibê ji gel veşêrin.”
Hevserokê Giştî yê DBP’ê di kongreya rêxistina xwe ya Mêrdînê de axivî û vê bangê li îqtîdarê kir: “Bi birêz Ocalan re hevdîtinê pêk bînin. Rêya çareseriya li Idlibê, Tirkiyê û Rojhilata Navîn vekin.”
Rêxistina HDP'ê têkildarî polîtîkaya AKP'ê ku penaberan dişîne ser sînor daxuyanî da û wiha got: "AKP, hêrsa trajediya Idlibê ji serê penaberên derdixe. Ger ku di vê rêwîtiya talûke de mirin û trajediyên xemgîn pêk bên berpirsiyarî îqtîdara AKP'ê ye.
Serokê Ragihandina Serokkomariyê Fahrettîn Altûn eşkere kir ku Erdogan û Pûtîn dê rû bir û hevdîtinê pêk bînin.
Derbarê HDP’iyan de 7 fezlekeyên destnedayînê, pêşkêşî Meclîsê hatin kirin.
Parlamenterê HDP’ê yê Wanê Tayîp Temel gef û bangên AKP-MHP’ê yên li dijî partiya wan wek “reben-belengazî” nirxand û got ew wateyê didin rexneyên ji bo partiya xwe û HDP dê nekeve xefkê û ji bo birêvebirina demokratîk a welat dimeşe.
Wekîlê Serokê Koma HDP’ê Sarûhan Olûç bertek nîşanî kesên piştî kongreya partiya wan hatin binçavkirin da û got: “Dozger bi fermana partiyên siyasî tevger dikin.”
Hevserokên Giştî yên HDP'ê yên nû Pervin Buldan û Mîthat Sancar, piştî hatin hilbijartin peyam dan û diyar kirin ku kongreya HDP'ê bû şahiya demokrasiyê û wiha gotin: "HDP'ê bi kongreyê aşkere kir ku alternatifa rastî ya Tirkiyeyê ye."
Kongreya 8`emîn a PYD`ê ku li bajarokê Rimêlan hat li dar xistin, bi axaftina nûnerên şandeyên kongreyê didome. Beşdaran anîn ziman ku keda PYD`ê di damezirandin û mayîndekirina Rêveberiya Xweser a Bakur û Rojhilatê Sûriyê de diyarker e û ji bo çareserkirina aloziya Sûriyê jî gelek proje pêşkêş kirine.
Mêvanên beşdarî kongreya HDP’ê bûn dan zanîn ku kongreyê hêviyek mezin afirand û peyama herî grîng jî “vîna gel” bû ku hat dayîn.
Ji bo Hevserokatiya Giştî ya HDP'ê Pervîn Bûldan û Mîthat Sancar hatin bijartin.
Namzetê Hevserokatiya Giştî yê HDP’ê Mîthat Sancar bang li yên ku li Soçî, Astana û Amerîkayê li mutabakatan digerin kir û got: “Deriyê Îmraliyê vekin ku bila deriyê aştiyê jî vebin. Werin em bi Mutabakata Dolmabahçeyê dest pê bikin. Teqez û teqez wê Ocalan bibe ronahiya vê riyê.”