Wezîrê Parastinê yê Amerîkayê Mark Esper, êrîşa Tirkiyeyê ya li dijî Bakur û Rojhilatê Sûriyeyê weke "dagirkeriya bêsînor" bi nav kir û Tirkiyeyê bi nêzikbûna Rûsyayê û bi pêşveçûna di rêya şaş de sûcdar kir.
Hevserokên HDP’ê Pervîn Buldan û Sezaî Temellî bi boneya nirxandina êrîşên li dijî Rojava, yekîtiya neteweyî û polîtîkaya qeyûman bi partiyên Kurd re civiyan.
Parlamenterê CHP'ê yê Stenbolê Sezgîn Tanrikûlû, helwesta partiya xwe ya li hemberî şer rexne kir û da zanîn ku di asta heyî de Tirkiye û CHP'ê winda kiriye û Erdogan qezenc kiriye.
Serokê Giştî yê TÎP’ê Erkan Baş diyar kir ku AKP ji bo îktîdara xwe bidomîne êrişî Rojava kir û divê li her qadê li dijî êrişên îktîdarê têkoşînek bi hev re bê dayîn.
Cîgirê Hevserokên Giştî û Berpirsiyarê Rêveberiyên Herêmî yê HDP'ê Salîm Kaplan, diyar kir ku di 31'ê Adarê de biryara tayînkirina qeyûm hatiye girtin, lê ji bo krasê hiqûqî li qeyûman bikin hevşaredar girtin û qeyûm rewa kirin.
Serokê Rêxistina CHP’ê yê Mêrdînê Ahmet Duyan ê ji ber CHP ji tezkereyê re got ‘erê’ ji partiya xwe îstîfa kir got: “Em hatin lîstika AKP’ê. Rêya îktîdarbûnê di nava kurdan de derbas dibe.”
Hevserokê Gişti yê HDP'ê Sezaî Temellî, ji ber ku li aştiyî û vîna gel xwedî derneketin rexne li parlamenterên li meclîsê kir û got: "Em ê 3 rojan navberê bidin xebatên xwe yên li meclîsê û em dê 3 rojan li Amedê bin. Em bang li wekîlan dikin ku bi xwe re bên rûqalî xwe." Temellî, bal kişand şerê 10 rojan ên li ser Axa Bakur û Rojhilatê Sûriyeyê û got: "Navê vê yekê şer û dagirkerî ye. Ger ku di aştî û demokrasiyê de li çareseriyê negerin dê dîsa DAIŞ'ê li hemberî xwe bibînin. Niha 850 DAIŞ'î winda ne."
Serokkomar Recep Tayyîp Erdogan, têkildarî geşadanên li Bakur û Rojhilatê Sûriyeyê bi Serokdewletê Rûsyayê Vladîmîr Pûtîn re hat gel hev.
Siyasetmedarê Kurd Hatîp Dîcle, bal kişand ser êrîşên Tirkiyeyê yên di 9'ê Cotmehê de li ser Bakur û Rojhilatê Sûriyeyê dest pêkir û wiha got: "Ev dîrok ne tesadufî ye. Ev berdewama komploya navdewletî ye. Bi vê yekê dixwazin Şoreşa Rojava ya di pêşengiya stratejî û paradigmaya Ocalan de pêş ket tasfiye bikin. "
Siyasetzan Dr. Zafer Fehmî Yoruk ku qewimînên li Bakur û Rojhilatê Sûriyeyê nirxandin, ji bo DYA'yê got, li pêyî armanceke stratejîk e û dixwaze ji Rûsyayê re ji dêvla baxçeyekî gulan, baxçeyekî bi distrî, artêşa tirk û artêşa cîhadîst, bihêle.
Rêxistina HDP'ê, binçavkirina Hevşaredarên HDP'ê yên Amed. Peyas, Karaz û Bismilê şermezar kir û diyar kir ku wê li dijî xespa vîna gel têkoşîna rewa ya hiqûqî, demokratîk û sivîl mezin bikin.
Serokwekîlê Koma HDP’ê Sarûhan Olûç, bertek nîşanî operasyona li dijî hevşaredaran da û got: “Desthilatdarî dixwaze tola xwe ji gelê kurd, HDP û hilbijartinê bigire.” Olûç, mûxalet rexne kir û wiha bang kir: “Niha ne dema bêdeng mayînê ye.”
Hevserokê HDP’ê Sezaî Temellî têkildarî li hevkirina Tirkiyê û Amerîka de peymana Dolmbahçeyê bibîr xist û got: “Çi dibe bila bibe divê êdî Tirkiye QSD’ê bike muxatabê xwe.”
Parlamenterê HDP’ê Kemal Bulbul têkildarî biryara agirbestê axivî û got: “Heta dagirkeriya leşkerî ji Sûriyê bi temamî neqede nayê wê maneyê ku pirsgirêk çareser bûye. Dixwazin axa Sûriyê pêşkêşî Tirkiyê bikin.”
Wezareta Karên Hundir, xala 127'emin a Destûra Bingehîn ku derbarê ji peywir girtina şaredaran a ji ber 'sûcê peywirê' de ye tehrîf kir û dadgehê xapand. Wezaretê, parast ku Hevşaredarê Amedê Selçûk Mizrakli ji ber 5 lêpirsînê ku beriya peywirê lê hatine vekirin dikare ji peywirê bê girtin.