Alîkara Hevserokên Giştî ya DBP’ê Halîde Turkoglu destnîşan kir ku zîhniyeta zilam a desthilatdar li dijî saziyên xwestin xwe bidin rûniştandin mudaxele hat kirin û got: “Li dijî vê yekê pergala hevserokatiyê heye û di nav gel de tê pejirandin. HDP bi israr e pergala hevserokatiyê û pergala jinê bixe meriyetê.”
Meclîsa Jinan a HDP’ê ya Mêrdînê, bernameya xwe ya 8’ê Adarê Roja Jinên Cîhanê aşkere kir.
Platforma Rojnamegerên Jin ên Mezopotamyayê, çû serdana Leyla Guven a ku ev 108 roj in di greva birçîbûnê de ye. Di kêliya serdanê de Leyla Guven dema rojnamegerên jin dîtin hestiyar bû û got: "Dema ku ez we dibînim Gurbetelî û Deniz tên bîra min. Hûn bibin dengê hevalên me yên li girtîgehan."
Parlementera HDP'ê ya Stenbolê Huda Kaya bi beşdarbûna Merva Demirel a rastî tacîza polîsekê hat, li meclîsê bi boneya 22'emîn salvegera darbeya "Post Modernê" civîna çapemeniyê li dar xist. Kaya, bertek nîşanî daxuyaniyên Wezîrê Karê Hûndir Suleyman Soylû yê polîsê tacîzî Demîrel kir parast, da û got: "Em ji kesên ku dijminatiya jinê dikin re, dibêjin haydê meydan."
Komîsyona Jinan a KESK’ê, helwesta xwe ya derbarê hilbijartina herêmî de eşkere kir û got: “Ji bo hişmendiya qeyûm deng tuneye. Emê deng bidin partiyên dinava siyasetê de cih didin jinan, tevlîbûn û temsîliyeta jinan esas digirin.”
Komîsyona Jinan a Şaxa ÎHD’ê ya Îzmîrê, tacîza zayendî ya polîsê li dijî Merve Demîrel bi van gotinan nirxand: “Nêrîna dewletê ya ji bo jinan diyar dike. Di heman demê de divê ÎHD pêvajoya hiqûqî bide dest pê kirin.”
Jinên ciwan ên HDP'yî li Amedê konferansek li dar xistin û "faşîzma desthilatdar" nîqaş kirin. Jinên ciwan gihîştin biryara dê di şexsê Leyla Guven de ji pêvajo re bibin bersiv û polîtîkayên zayendiya azadîxwaz berbelav bikin.
Bi hinceta ewlehiyê mafê bikaranîna 40 hezar jinên li sitargehan dimînin tê astengkirin. Dildara Mor Çatiyê Bûrcû Çolak, destnîşan kir ku ev yek binpêkirina mafan e û got: "Divê li hemû navçeyên sitargeh lê hene sindoq bên danîn û divê agahiyên der barê van sindoqan û jinan de veşarî bin."
Koordînasyona KJAR'ê' nameyek ji Hevseroka KCD'ê Leyla Guven re şand û piştevaniya xwe ani ziman û got: "Bi sedan rêhevalên me, bi dirûşma “Hûn nikarin Roja me tarî bikin!” bedenên xwe veguherandin parçeyek ji agir û rêya azadiyê ronî kirin. Hûn jî bûn şopdarên rêya van qehremanan. Yek ji hevalên ku vê pêvajoyê herî baş xwendin jî hûn in. Faşîzm di şexsê we de careke din têk çû, kelehên zilmê rûxiyan."
Meclîsa Ciwanan a HDP'ê, wê li Amedê bi beşdarbûyîna 300 delegeyên jin ji bo tecrîdê, grevên birçîbûnê û mijara tecawizê bên cem hevdu. Endama Desteya Rêvebir a Meclîsa Ciwanan Buşra Kûyûn, ji bo vê hevdîtinê bang li jina kir.
Seroka KA.DER'ê Nûray Karaoglû, anî ziman ku ger partiyên siyasî di hilbijartina herêmî de di warê temsîliyeta wekhev de wekî HDP'ê samîmî bin dikarin pergala hevserokatiyê an jî pergalên bi vî rengî di mekanîzmaya xwe ya hundurîn de pêk bînin û got: "Eger îtifaqa partiyan ji îtifaqa li ser esasê zilamtiyê bê dûrxistin û ji bo aramiya civakê bê veguherandin û jinan esas bigirin, wê çareserî bi rihetî pêk bê."
HDP'ê Beyannameya Hilbijartinê ya Jinê ya bi dirûşmeya “Em bi hevre soz didin em dê bi hevre ava bikin û pêk bînin." aşkere kir. Meclîsa Jinan a HDP'ê di beyannameyê de got: “Em dê jin bi hevre teqez bi ser bikevin."
Nivîskar Femînîst Francesco Gargallo, ji bo Leyla Guven peyama piştevaniya şand û got: “Çalakiya girtiyeke ku ji mirovan re bûyî hêvî û ji bo azadiya xwe bi dest bixe, jiyana xwe bi greva birçîbûnê kiriye nava rîskê, cesaretek muezeme.”
Platforma Emê Cînayetên Jinan Rawestînin, rapora xwe ya meha Çile ya sala 2019’an eşkere kir û diyar kir ku di meha Çile de 43 jin ji aliyê zilaman ve hatin kuştin.
TJA’yê, bertek nîşanî ceza dayîna Hevseroka Giştî ya DBP’ê Sebahat Tuncel û Hevşaredara Bajarê Mezin a Amedê Gultan Kişanak da û got: “Polîtîkayên dişminantiya jinan dikin dê bin bikevin, vîn û berxwedana jinan dê qezenc bike.”