Siyasetmedarê kurd Sirri Sakik ê bersiva gotina Serokê Giştî yê CHP’ê Kiliçdaroglû ya “Rêya demokrasiyê di Amedê de derbas dibe” da û bi lêv kir ku xwediyên pêşniyarên çareseriyê yên ser pirsgirêka kurd, divê peymana civakî îmze bikin.
Hevserokê KCD'ê Berdan Ozturk diyar kir ku daxuyaniya "Dê hesab bidin Îmraliyê" ya Erdogan "bêcîdiyetî" ye û got: "Erdogan sûcên mezin kirin. Ew ê hesab bide gelê kurd û gelên Tirkiyê."
Berdevka EHP'ê Ozge Akman, diyar kir ku Tifaqa Demokrasiyê ji bo têkoşînê bûye cihê zemîneke girîng û got: "Em dikarin hêzeke damezrîner û guherîner çêbikin."
Komîsyona Têkiliyên Derve ya HDP’ê têkildarî êrişa DAIŞ’ê ya li Hesekê daxuyaniyek da. HDP’ê diyar kir ku di dema êrişê de şervanên HSD’ê ji bo destwerdana li rewşê xwestin derbasî Hesekê bibin lê belê rastî êrişa SÎHA’yan hatin. HDP’ê ev yek weke ‘alîkariya hewayî ya bi DAIŞ’ê re’ pênase kir û xwest ku hêzên li pişt vê êrişê bên lêkolînkirin.
Serokwekîlê Koma HDP'ê Sarûhan Olûç ku di kongreya partiya xwe ya Edenê ku gel li eywanê bi cih nebû de axivî, diyar kir ku bêyî HDP'ê li Tirkiyeyê nikare hevsengiyek bê avakirin.
HDP'ê bal kişande ser Ramazan Turan li girtîgehê jiyana xwe ji dest da û nedana wesayîta cenaze û got: ''Desthilat dijminatiyê li miriyên kurdan jî dike.''
Hevserokê Giştî yê DBP’ê Keskîn Bayindir ê gotinên Serokê Giştî yê AKP’ê Tayîp Erdogan ên derbarê Ocalan ê li Îmraliyê di bin tecrîdeke giran de tê ragirtin weke “îfadeya hilweşînê” penase kir, wiha got: “Gelê kurd tenê dê guhdariya Ocalan bike.”
Berdevka Demê ya TOP’ê Pelîn Kahîlogûllari diyar kir ku Tifaqa Demokrasiyê wê valahiyeke girîng dagire û wiha got: “Tifaqa ku tevgerên kurd û sosyalîst ava bikin, ji bo serdemeke nû ya li Tirkiyeyê wê bi wateyeke taybet be.”
Cîgirê Hevserokên Giştî yê HDP’ê Umît Dede derbarê pêvajoya girtina partiya xwe de got: “Bi vê doznameyê HDP nayê girtinê. Hemû xebatên ku kirine sûc, pêvajoyên ku bi kordînasyona Erdogan hatine birêvebirinê ne.”
Endama Koordînasyona DÎB’ê Ayşegul Devecîoglû diyar kir ku li cem hatina hev ya 8 partiyan a bi banga HDP’ê gaveke girîng e û wiha got: “Pêwistiya Tirkiyeyê bi heviyeke wisa û hevkariya têkoşînê heye.”
Piştî ku hevdîtinên fezlekeyên Parlamentera HDP'ê Semra Guzel li Komîsyona Tevlîhev bi dawî bûn 'Komîsyona Amadekariye' hat avakirin.
Mitînga ku HDP’ê dixwest li Qada Îstasyonê ya Amedê li dar bixe, ji ber barîna berfa zêde taloqî dîrokeke pêş hat kirin.
Berdevka HDP’ê Ebrû Gunay da zanîn ku di hedefnîşandana parlamentera wan Semra Guzel de muxalefet rê ji îqtidarê re vedike. Gunay bal kişand ser salvegera dagirkirina Efrînê û xwest Tirkiye demildest dawî li talan û dagirkirina xwe ya li Efrînê bîne.
Di daxuyaniya ku ji aliyê HDP, EMEP, EHP, Halkevlerî, SMF, TÎP, TOP û TKP'ê ve hat dayîn de, têkoşîna hevpar hat destnîşankirin û hat gotin: "Em bibiryar in ku berpirsiyariya dikeve ser milê me pêk bînin."
Hevseroka Giştî ya HDP’ê Pervîn Bûldan derbarê daxuyaniya Îmraliyê ya Erdogan de axivî û got: “Em ê heta dawiyê piştevaniya hevdîtinên li Îmraliyê bi riya diyalogê werin birêvêbirin bikin. Lê belê ew kesên li aliyekî tecrîda girankirî disepînin û li aliyekî jî qala Îmraliyê dikin jidil nabînin.”