Berdevkê HDP'ê Ayhan Bîlgen, bal kişand ser kesên aştî parastin û hatin binçavkirin û ev tişt got: "Wê demê divê desthilatdarî diyar bike dê li vî welatî çi bê gotin, çi bê nirxandin û dê çi serbest be." Bîlgen bang kir ku medyaya ku şer sor dike û propagandaya reş bi pêş dixe bê boykotkirin û kes li qenalên şerxwaz temaşe neke.
Serokê Giştî yê Partiya Azadî û Sosyalîzmê (OSP) Sînan Çîftyurek got armanca êrîşa li dijî Efrînê binpêkirina destkeftiyên kurdan e. Çîftyurek bi lêv kir ku li hemberî vê rewşa talûke divê demildest Kongreya Netewî ya Kurd bicive û wiha pirsî: "Heke îro kurd nikaribin werin cem hev, wê kengî bibin yek?"
Wekîlê Serokê Koma HDP'ê Ahmet Yildirim, bertek nîşanî helwesta AKP-MHP'ê da û got: “Ne parastina welat, tirsa windakirina qoltixêye." Yildirim, helwesta CHP'ê ya li dijî koltixê jî rexnekir."
Berdevkê HDP'ê Ayhan Bilgen, pirsa "Yên destûra operasyonê dane Tirkiye li beramberî kijan berdêlê destûr dan" pirsî û wiha got: "Ger ku Suleyman Şah 'Şaxa Zeytûnê be" wê demê operasyona Efrînê jî şikandina şaxa Zeytûnê ye. Li hemû şaristanên Rojhilata Navîn Zeytûn sembola aştiyê ye. Peywira me hemûyan ewe ku em bi hevre vê lîstikê xera bikin."
Meclîsa Giştî ya PYD’ê ji Amarîka û Rûsiya xwest ku helwesta xwe ya li dijî Tirkiye ku Efrîn bombebaran kir zelal bike.
Osman Baydemîr di kongreya navçeya Hîlaliyeyê ya patiya xwe de axivî û ev tişt got: "Dema ku Sûriyeyê ji hemû trajediyan re şahidî dikir, Efrînê ji bo aştî û aramiyê ji penaberan re malovanî dikir. Ez ji gelên bi rûmet ên li Efrînê re silavên xwe dişînim. Efrîn ne bê xwedî ye."
HDP, di serdema Rewşa Awarte de tevî hemû zext û zoriyan jî amadekariyên Kongreya Asayî ya 3'yemîn dike. Tê payîn ku herî kêm 30 hezar kes tev li kongreyê bibin. HDP dixwaze kongreyê bike veguherîne şahiya demokrasiyê
Kongreya Civaka Demokratîk (KCD), êrîşên li dijî Efrînê şermezar kir û bang li AKP'ê kir ku dest ji dijminahiya kurdan berde.
Bertek û nerazibûnên li dijî operasyona ku Tirkiyeya dixwaze li dijî Efrînê pêk bîne zêde dibe. Partiyên Herêma Federal a Kurdistanê jî bertekên hişk nîşanî operasyonê da. Tevgera Goran, Komela Îslamî, Tevgera Azadî û Eniya Demokrasiya Gel li dijî gefên Tirkiyê banga xwedîderketina Efrînê li tevahiya kurdîstaniyan kirin û gotin “Bi ruhê Kobanê em ê li Efrînê xwedî derkevin.”
Nûnerên partiyên siyasî, bertek nîşanî operasyona li dijî Efrînê dan û diyar kirin dê bi ruhê serhildana Kobanê bersiv bidin êrîşên li ser Efrînê û bertekên xwe nîşan bidin.
Yek ji damezirînerê AKP’yê Abdullatif Şener, destnîşan kir ku operasyoneke leşkerî ya li hemberî Efrînê dê pirsgirêka kurd girantir bike û got: "Serokomar Erdogan ne tenê partiya xwe, hewl dide CHP, MHP û HDP’yê jî dîzayn bike."
HDP'iyên li Stenbolê ji bo kongreya 11'ê Sibatê xebatan dimeşînin, ji bo kongreya ku wekî avakirina 2'yemîn pênase dikin ev tişt gotin: "Dê rojeva esasî têkoşîna li dijî faşîzmê be û em ê bi ser bikevin. Em wekî HDP em ê di nava têkoşîna şoreşê de bin."
Endama Lijneya Rêveberiya Navendî ya HDP'ê Ayşe Acar Başaran, bal kişand ser 5 sal cezayê li wekîlên wan Behçet Yildirim û salek cezayê yê li Selma Irmak hat birîn û ev tişt got: “Ev ceza li aştî û biratiya gelan hat birîn.”
Rêveberên partiyên siyasî yên kurd nerazîbûn nîşanî amadekariyên operasyona Tirkiyeyê ya li dijî Efrînê dan û gotin ku gelê kurd wek li Kobanê dê di mijara Efrînê de jî partî û perçeyên xwe bikin yek û helwestek nasnametiya welatparêziyê nîşan bidin.
Hevseroka Giştî ya HDP'ê Serpîl Kemalbay û Hevseroka KCD'ê Leyla Guven der barê mijara Efrînê de hikûmetê hişyar kirin û gotin wê gelên Tirkiye bedêla şer bide û divê gel hay ji qarqarên şerî hebin.