Jin, dê 25'ê Mijdarê di pêşengiya Tevgera Jinên Azad (TJA) de li Parka Musa Anter mîtînga "Azadî dê bi ser bikeve" pêk bînin. Beriya mîtîngê Parlamentera HDP'ê Leyla Bîrlîk, daxuyanî da û got: "Em ne îteat dikin ne jî bîat dikin. Divê hemû jin di roja mîtîngê de tev li mîtîngê bibin. Tecrîda li ser Ocalan tecrida li ser jinan e. Divê jin dengê xwe li dijî tecrîdê bilind bikin."
Platforma Jinan a Edeneyê, di çarçoveya çalakiyên 25’ê Mijdarê de, ji girtiyên jin re kart şandin.
Meclisa Jinan a HDP’a Enqereyê bang li hemû jinan kir ku di 25’ê Mijdarê de li qadan bin û wiha got: “Ji kuçeyên Stenbolê heta kuçeyên Amedê xwedî li vê têkoşînê derdikevin.”
Jinan banga ji bo meşa di 25’ê Mijdarê de ji Tunêlê heta Lîseya Galatasarayê pêk bînin kir û got: “Em ê bi hemû rengên xwe li Tunêlê bin.”
Hevseroka Kontona Cizîrê Hîva Erebo destnîşan kir ku rola jinê ya li Rojava rêyek nû dide pêşiya civakê û wiha got: "Êdî kotaya sedî 40 rabû, li cihê wê temsîlyeta wekhev hat. Jin nahêle mêr hişmendiya xwe li ser wan ferz bikin."
Jinên di karên narenciyê de dixebitin, aşkera kirin ku li malê zextên mêr, li zeviyê jî zexta çawûşan li ser wan heye. Jinan destnîşan kir ku ew 12 saetan dixebitin, yomiya wan kêm û heqdestiya wan tê xwarin.
KESK'ê aşkera kir ku bi KHK’an 21 hezar û 409 jin ji qada cemaweriyê hatin îxrackirin, hezar û 409 jin ji peywira wan a akademîsyeniyê hatin dûrxistin û der barê 10 hezaran jinên kedkar de lêpirsîna edlî hatiye destpêkirin û li gelekan ceza hatiye birîn.
Ayten Ozîster, dayika Dîlek Ozîster ku ji aliye hevjînê xwe ve hatibû kuştin, ji bo keça xwe têdikoşe. Dayik Ozîster ji bo daxistina “rewşa baş” a darazê jî wiha got: “Dixwazim ji vê edaletê bipirsim; ji bo çi hûn cezayê kujerekî ku li ber çavan jinek kuşt dadixin?”
Rojnamegera ji Dêra Zorê Rewa Taha demekî li Sûriyeyê rojnamegerî kir dema derbasî Rihayê bû ji neçarî dest jê berda, armanca jiyana xwe bi gotinên wekî "jin, jin, jin" anî ziman.
Femînîst Parêzer Dîren Cevahîr Şen, daxistinên cezayê kuştinên jinan ên dadgeriyê mîna “daxistinên zilamtiyê” nirxand û wiha got: “Daxistina cezayê li mêr tê birîn ji bo jinên xwe diparêzin derbas nabe."
Ji 25'ê Mijdarê Roja Têkoşîna Jinan a li dijî Tundiya li ser Jinan a Navneteweyî re 5 roj man. Parlamenterên HDP'ê û hevşaredarên DBP'ê jî di navde nêzî 8 hezar jin li girtîgehan 25'ê Mijdarê pêşwazî dikin. Li girtîgehan 26 jê giran 75 jin tevî nexweşin jî girtî ne û bi hinceta OHAL'ê nayên dermankirin.
Songul Denîz serî li VAKAD’ê da, bi çalak di qadê de xebitî û bi çîroka xwe îlham da bi sedan jinan. Denîz, diyar kir ku 13 salin bi 2 keçên xwe re li dijî tundiya li ser jinê têdikoşin.
- Qeyûmê tayînê Şaredariya DBP’a Akdenîzê hat kirin, Navenda Jinan a ÎŞTAR’ê bê rol û mîsyon hişt û dûre ji veguherand unîteya paqijiya. Xebatkarên jin ên navendê jî necarî îstîfayê dikin.
Jinên endamên Platforma Demokrasî û Kedê diyar kirin ku dê ji 25’ê Mijdarê heta 8’ê Adarê dakevin qadan û bê navber çalakiyan li dar bixin.
Platforma Jinan a Îzmirê bi minasebeta 25'ê Mijdarê Roja Têkoşîna li Dijî Tundiya li Hemberî Jinê ya Navneteweyî, bi dirûşmeya "Em dest ji jiyana xwe û mafê xwe bernadin" dê li Alsancakê kom bibin.